Wb Zaj Dab Neej Kua Muag



                Muaj ib zaj dab neeg nyob rau hauv kuv lub siab, uas kuv qhia tsis tau leej twg. Nws nyob ua ib qhov kab mob rau kuv lub plaws, dua kuv nplooj siab ib ntog tuaj zuj zus. Kuv xav muab qhia vim nws los kav tau  kuv lub siab, ua rau kuv khiav tsis dhua nag hmo. Kuv nyob ib lub ntuj uas muaj los nag kua muag iab thiab nplooj siab quaj nrog lub suab tsis paub zoo. Yuav yog thaum twg zaj dab neeg no mam ploj mus?
                Yog tias kuv sau tau dua tshiab, tej zaum kuv yuav muab sau kom kuv tsis txhob tau ntsib koj. Ntshe yog tias kuv tsis ntsib koj, tej zaum hnub no, kuv twb tsis ua ib tug neej vwm li no. Kuv lub neej ntshe tseem muaj qab hau thiab kuv kuj yog ib tug neeg muaj nuj nqi. Tias si, vim kuv tsis yog tus los sau, kuv yog tus los nyob xwb, kuv thiaj li tau los nyob ib zaj dab neeg nrog kev mob siab txog hnub lub ntuj tsaus.
                Hnub twg kuv tsim hauv kev dab ntub los, kuv thov kom kuv lub siab zoo, kom kuv tsis txhob muaj qhov nco koj lawm. Tab sis, hnub tas hnub tuaj, los kuv qhov kev mob siab tseem zoo li thaum xub pib. Thov qhia kuv ib los, yog tias twb ntev npaum no xyoo lawm, es kuv qhov kev mob siab tsis ploj, puas yuav muaj ib hnub kuv yuav txawj rov nrog tib neeg luag? Kuv puas yuav muaj ib hnub uas kuv txawj rov xav nrog tib neej ua neeg nyob? Los yog kuv yuav nyob ib tug neeg vwm, tsis muaj hnub nrhiav tau kev kaj siab?

                Luag hais tias, sij hawm yeej kho tau kev mob siab. Yog tiag li no, cas twb ntev npaum no lawm, kuv lub siab tso tsis tau koj li? Zaj dab neeg uas koj thiab kuv wb tau los sau ua kev, nws yog tus tua kuv txoj sia cia. Kuv yuav ua cas khiav dhau? Kuv mus txog qhov twg los kuv pom koj tus duab caum kuv qab ua rau kuv lub neej nyob zoo li kuv twb tsis muaj sia lawm. Thov qhia kuv ib lo seb yuav ua li cas kuv thiaj li yuav pom tau lub hnub tag kis? 

Comments

Post a Comment

Popular posts from this blog

50 Shades Darker

Kuab Muaj Tsuas 2 Review

Majurat See Nam Pueng