Niam Txiv Lub Zog
Niam lub plab nqa tub kis tau cuaj lub hli, yug ntshav liab vog, puag loos rau lub xub ntiag, txhais me tes phlws taub hau, ntshai tsam tshaib plab. Niam muab lub me tsho los qhwv lub me cev mos liab. Niam lub me suab lus qhees kom txhob quaj es niam mam li hlub. Txiv lub xwb pwg yog me tub kis qhov chaw zaum pom lub ntiaj teb dav zoo nkauj. Thaum leej txiv nqa loos, leej tub leej kis lub suab luag nim nrhov seev li yees rau leej txiv lub ntsej hnov. Txiv sab tes tuav khov kom txhob ntog kom tsuas muaj sawv khov kho loj hlob xwb. Tub kis khaub ntxhais loj zuj zus tuaj leej niam leej txiv laus lawm tiag. Ib hnub dhau mus, ib txoj plaub haus dawb zog, ib hli dhau tag, lub cev tsis zoo li qub. Ib xyoo tag mus leej niam leej txiv lub ntsej lub muag hlov yam cuag dag. Tos paub, ces leej niam leej txiv los ua tub ua kis es tej me nyuam yuav tau los tu los hlub. Niam thiab txiv tu tau me nyuam loj hlob tab si me nyuam tu tsis tau leej niam leej txiv laus. Niam kua muag p