Ua Siab Ntev Kuv Txiv
Ua siab ntev kuv txiv, thaum kuv tsis nkag siab yam koj hais rau kuv. Kuv yog koj tub, koj yog kuv txiv, tiam si, txhua yam koj hais tawm tej zaum kuv lub siab twb yuav tsis tau tag nrho. Thov koj tus ua txiv, tau taub tias kuv yeej xav ua kom koj zoo siab tshaj plaws, tiam si, vim kuv muaj kuv siab kuv ntsws, kuv yuam tsis tau tag nrho kom tau raws li koj siab nyiam. Ua siab ntev kuv txiv, thaum kuv tsis nyiam yam koj nyiam mog. Kuv yog koj tub, koj yog kuv txiv, tiam si, wb nyias muaj nyias kev nyiam. Koj txoj kev hauv neej yog dab qhuas kab lig kev cai, ho kuv li yog mus raws lub suab nkauj. Txawm koj tsis pom yam kuv nyiam, thov koj tsis txhob thuam tias kuv ruam yuav tsis tau noj. Ua siab ntev kuv txiv, thaum kuv loj hlob tsis xav tau yuav poj yuav sev. Vim kuv lub siab tsis tau pom tus kuv nyiam kuv hlub, ces kuv yuam tsis tau kuv lub cev lub siab mus hlub tus koj lub qhov muag pom zoo. Yog kuv yuav xais nws ua kuv tus tab zag, yuav yog wb txawj sib hlub, yog tsis txawj sib h