Kuv Me Ntxhais




Nqa koj hauv plab tau ncuaj lub hli, hnov koj tej me tes me taws tuam kuv. Koj ib leeg thiab paub tias kuv lub siab dhia li cas. Koj nrog kuv koom kuv tej ntshav, noj zaub mov ntawm kuv ncauj loj hlob. Hnub yug tau koj, hnov koj suab quaj nrov thoob ntiaj teb, ua rau kuv lub siab mam tawg, paub kev hlub rau me nyuam zoo li cas tiag.
          Koj loj hlob tuaj, zoo nkauj zuj zus, kuv lub siab twb muaj qhov ntshai tias tsam ib pliag koj yuav ncaim kuv mus ua koj lub neej. Vim tias koj yog kuv tus me ntxhais yug los mus koom luag li neeg. Kuv lub plab nqa koj los yug tiam si koj lub ncauj yuav mus hu luag ua koj niam thiab koj txiv.
          Txawv tiam tej thaum wb hais lus tsis sib haum los kuv ua twj ywm xav tias cia kav liam. Vim thaum ub kuv los yeej nrog kuv niam sib cav ib yam nkaus. Kuv saib koj loj hlob tuaj kuv thov lub ntuj lub teb kom tsis txhob muaj ib tug los ua koj poob kua muag. Tsuas xav thov kom koj muaj kev zoo.
          Hnub luag muab txoj siv ceeb rau kuv, kuv lub siab twb tawg tag, tsis pom qab yuav hais li cas. Lub siab yeej paub tias yuav muaj hnub zoo li no, tiam si, tsis npaj tias yuav los txog. Kuv niaj hnub mus saib koj lub me hoob txaj pw nco txog thaum ub koj me es kuv tseem los puag koj pw. Ua rau kuv lub suab quaj pauv mus ua suab nyiav.
          Kuv lub tsho yeej so koj tej me kua muag thaum yaus txog hnub koj tuaj puag kuv sawv ces ua ib tug nkauj nyab. Koj rov tuaj txog, hnav cev khaub ncaw tshoob uas koj niam pog kho rau koj hnav. Lub siab txawv zoo npaum twg los kua muag los tsis paub tu. Kuv nco txog thaum kuv tua koj txhais me tes mus ke, qhia koj hais lus, nco thaum kuv tsi koj tej me plaub haus. Es zaum no, koj yuav sawv kev mus ua luag li nkauj nyab lawm tiag tiag.
          Ua ib niam ntxhais ua ke ib sim neej, kuv muab tsis tau dab tsi rau koj. Yam kuv muab tau yog kuv tej me xov paj ntaub uas kuv ob txhais tes xaws rau koj coj mus saib ua dab muag. Lub thawv muaj khaub ncaw rau koj coj mus ua neej. Ib cev kuv yeej tais nrog kev kua muag tias zaum no koj loj tiav nkauj lawm tiag. Yuav mus ua koj lub neej nrog luag. Kuv tu tau koj hlob xwb kuv tu tsis tau koj laus. Txij hnub no mus, lub me npe hluas nkauj koj yuav tso cia mus, yuav mus ris lub npe ua nkauj nyab. Txhua yam kuv qhia koj thaum yaus txog hnub no, thov kom koj khaws zoo cia rau koj lub siab. Ib puas tsav yam kuv muaj, kuv muab tag nrho rau koj. Ib nrab ntawm kuv lub plawv, koj twb muab nqa nrog koj mus.
          Mus ua luag li nyab yuav tseg kuv ua niam  rau tom qab. Kuv lub siab yuav mob mob mus tsis txawj tag. Koj txawv yuav nco thiab tsuas kuv npaum twg los ntshe kuv yuav nco koj ib yam nkaus. Leej niam lub xub ntiag yuav txais tos mus lawm vim kuv me ntxhais zoo mus pib lub neej. Yuav nco thaum koj quaj nco kuv lub xub ntiag, nco thaum kuv nyob zos koj thaum koj mob, nco thaum koj hu kuv luag ntxhi thaum mus kawm ntawv los. Yuav nco mus txog hnub poob qhov los yuav tsis txawj zoo.

          Haus koj tej me kab teg khiav kuv tej roj tej ntshav. Koj mob los kuv mob. Nco ntsoov koj yeej yog ib tug ntxhais muaj peev xwm, tsim nyog, thiab zoo. Ua lub siab kom tus, coj kom ncaj, thiab hlub li koj xav kom luag hlub koj. Kuv ua niam yuav saib ntsoov koj lub neej mus kom kawg. Kuv yuav ua tus duab zos koj kom txog hnub tsis muaj kuv. Vim koj yog kuv me leej ntxhais yug los ntawm kuv. Koj txawv mus ris npe ua luag nyab los rau kuv koj yeej yog kuv me ntxhais mus ib sim.  

Comments

Post a Comment

Popular posts from this blog

50 Shades Darker

Image
As you all know, I'm a huge fan of the 50 Shades series. When I heard that it was going to take a whole year before Darker came out, I was impatient. But then last night, I went out with my husband to watch it. Let me say, I am deeply satisfied with it. It's entirety is extremely seductive to the point w here I found myself deeply sucked into the film. The pages reeked of sex, submission, and love. When it came onscreen, I found the invitation to be all that and more. It unfolded to me a totally different story than the words I read before my eyes. It became a magnetic pull that drew me into its life so deep, I became lost. The story is so beautifully adapted by director James Foley and made into a world of darkness that dares to threaten our very sanity. Just imagine winning the heart of the one man who couldn't bear to be touched. His pain, his world of tragic, and his inability to be with anyone, overcome by one single woman who had the power to make him want mor
Read more

Kuab Muaj Tsuas 2 Review

Image
There are many things in life that we treasure. For some, it is love. For others, it is wealth. Centuries ago, among the hills of a distance place, love and wealth weren’t among people’s minds. It was a something called the Miraculous cure and the Legendary script that had people fighting for lives and each other. From Imaginary Entertainment and worldwide sensation Yengtha Her, comes a film that puts two chapters into one, Kuab Muaj Tsuas 2.                 If you were the many who attended the premier release of Kuab Muaj Tsuas 2 at Willow Creek Theater, you would have found that the film itself was cut to fit the time frame of two hours. There were many missing parts and if it left you a little confused, you weren’t alone. I myself also attended the premier and was left trying to figuring out the puzzle as to what happened. But when I got my complimentary copy from Yengtha Her, I sat down and watched it and had a moment of “Oh! That’s what happened!”                 The film
Read more

Txoj Kev Mus Ua Nyab

Image
Kuv niam yug tau kuv los, kuv tsis yog hnav lub rhis, kuv hnav ib daim tiab. Thaum kuv tseem noj kuv niam lub   mis, ntshe kuv niam twb paub tias muaj ib hnub twg, kuv loj puv nkauj, cas kuv yuav yas ntawv kuv niam lub xub ntiag mus ua ib xeem tshiab. Ntshe kuv niam twb los los kua muag ntsiag to hauv siab thaum kuv pib nyiam Hmoob ces muaj ib hnub twg, kuv niam yuav tau los saib kuv ncaim nws lub siab mus.             Hnub kuv mus ua Nyab, yog hnub uas tu siab tshaj plaws. Kuv tuaj txog es kuv tej me nus, me viv ncaus tuaj quaj kua muag poob dawb vog tias cas yus ua viv ncaus nus muag ib zaug es, kuv yuav sawv kev ncaim sawv daws mus pib ib lub neej nrog ib xeem. Kuv yuav mus muab luag hu uas niam uas txiv, es yuav tso tus nqa kuv hauv plab tseg tiag tiag. Kuv tsua yog qiv kuv niam lub plab los yug xwb, kuv yuav mus laus nrog ib tug tshiab.             Los lus ua tu siab tshaj plaws ces yog los uas luag hais tias, “Hnub no, koj tsis yog peb neeg lawm mog. Ciaj los koj yog lawv
Read more